Կատեգորիաներ
Շուն
Ֆենպրազ միջին շների համար 2 հաբ
SKU : 01090
ԲԱՂԱԴՐՈՒԹՅՈՒՆ ԵՎ ԴԵՂԱՁԵՎ՝ մեկ հաբը պարունակում է ֆենբենդազոլ՝ 225 մգ, պիրանտելի պամոատ՝ 210 մգ և պրազիկվանտել՝ 75 մգ։ Դեղամիջոցը բաց դեղին, կլորավուն հաբեր է։
ԴԵՂԱԲԱՆԱԿԱՆ ԱԶԴԵՑՈՒԹՅՈՒՆ՝ Ֆենպրազը համակցված, լայն սպեկտրի հակահելմինթային միջոց է, որն ազդում է շների և կատուների մոտ հանդիպող կլոր և ժապավենաձև հելմինթների, ինչպես նաև լյամբլիաների նկատմամբ։ Ֆենբենդազոլը, պիրանտելի պամոատը և պրազիկվանտելը տարբեր մեխանիզմներով խանգարում են մակաբույծների կենսագործունեությանը՝ նպաստելով դրանց կաթվածին և ոչնչացմանը։
ԿԻՐԱՌՄԱՆ ՑՈՒՑՈՒՄՆԵՐ՝ կիրառվում է 3 շաբաթական և ավելի տարիք ունեցող շների և կատուների մոտ նեմատոդոզների, այդ թվում՝ տոքսոկարիոզի, տոքսասկարիոզի, ունցինարիոզի, անցիլոստոմոզի և տրիխոցեֆալոզի, ինչպես նաև ստամոքսաղիքային ցեստոդոզների, լյամբլիոզի և խառը նեմատոդա-ցեստոդային վարակների բուժման ու կանխարգելման նպատակով։
ԿԻՐԱՌՄԱՆ ԵՂԱՆԱԿ՝ դեղամիջոցը նշանակվում է բանավոր՝ բուժական և կանխարգելիչ նպատակներով՝ ըստ անասնաբույժի ցուցումների։
ՀԱԿԱՑՈՒՑՈՒՄՆԵՐ՝ դեղամիջոցի բաղադրիչների նկատմամբ անհատական գերզգայունություն։ Չի խորհուրդ տրվում կիրառել հյուծված, վարակիչ հիվանդություններով հիվանդ կամ ապաքինվող կենդանիների մոտ։
ԱՆՎՏԱՆԳՈՒԹՅԱՆ ՄԻՋՈՑԱՌՈՒՄՆԵՐ՝ դեղամիջոցի հետ աշխատելիս անհրաժեշտ է պահպանել անասնաբուժական դեղամիջոցների հետ աշխատանքի համար նախատեսված անձնական հիգիենայի և անվտանգության կանոնները։ Մաշկի կամ աչքերի լորձաթաղանթների հետ պատահական շփման դեպքում լվանալ մեծ քանակությամբ ջրով։ Գերզգայունություն ունեցող անձինք պետք է խուսափեն դեղամիջոցի հետ անմիջական շփումից։ Ալերգիկ ռեակցիայի կամ դեղամիջոցի պատահական ներթափանցման դեպքում անհրաժեշտ է դիմել բժշկական հաստատություն։
ՊԱՀՊԱՆՄԱՆ ՊԱՅՄԱՆՆԵՐ՝ պահել 0–25 °C ջերմաստիճանում՝ արտադրողի սկզբնական փաթեթավորմամբ, երեխաների համար անհասանելի վայրում։
ՊԻՏԱՆԻՈՒԹՅԱՆ ԺԱՄԿԵՏ՝ 3 տարի՝ արտադրության ամսաթվից։
Ունե՞ք կարծիք ապրանքի մասին:
Տվեք գնահատական և գրեք ձեր կարծիքը